تامر.. حسبها صح.. دخل الكلية ذاكر وسهر.. واتخرج بتقدير جيد جداً ولحد دلوقتي ماإشتغلش
أشرف.. حسبها صح.. إختار علمي علوم في الثانوية العامة.. كلف نفسه وأهله فلوسهم وأعصابهم.. وجاب 95% ومالحش كلية طب ولاصيدلة اللي كان نفسوا فيها.. ودخل كلية تجارة
أم حمدي.. حسبتها صح.. وفرت في مسحوق الغسيل علشان تجيب هدوم العيد لولادها.. الهدوم سعرها زاد.. والفلوس ماكفتش إلا تشيرت جديد للواد وبلوزة للبت..
حاتم.. حسبها صح.. وفر فلوس السجاير والدليفري علشان يجيب شبكة.. لما لقى بنت الحلال سعر الدهب إرتفع.. ماعرفش يجيب إلا غويشتين وخاتم وكمان عيار 18
كل دول حسبوها صح.. بس برضه ماعاشوهاش صح.. ياترى ليه ؟
كل دول كانوا فاهمين انهم حسبوها صح لما قالوا مالنا و مال الأنتخابات خلينا في حالنا وبقي هو ده حالهم و هايفضل حالهم طول ماهم بيحسبوها كده
ردحذفمدونة لطيفة
ردحذفاسعدنى المرور من هنا
ازيك ياأحمد يارب تكون بخير....
ردحذفأنا كتبتلك في البوست بتاع هنون هو ده بجد ؟؟؟ وانت طلبت تفهم أنا قصدى إيه؟؟؟؟؟؟؟
الحقيقة هي حكاية طويلة أوي عمرها تقريبا 23 سنه قرأت كل فصل فيها بتمعن واستنيت اني اقابل بطلها لأني تصورت إن الرواية دي زي كل الروايات اللي بنقراها لازم يكون ليها بطل لكن قالولى انها رواية تخلو من الأبطال من مهدها إلى لحدها قلتلهم لا أكيد البطل هيظهر في الفصل الجاي لكن كل الأبطال كانوا ثانويين والرواية تقدر تستمر من غيرهم وفي اخر الفصل ال21 ظهر البطل لكن للأسف استمر في الرواية لفصل واحد بس وبعد كده انتحر وانتهت الرواية نهاية حزينة أقعدت البطلة مريضة وكان كل ذنبها انهاعاشت الحياة بدون مخالب وأنياب . وكان كل ذنبي أنا إني صدقت الروايات التانية اللى بتقول ان مفيش بطلة من غير بطل ...وكان حظي ان الرواية الوحيدة اللى قريتها كانت من غير بطل....
ولما شفت البوست بتاع هناء قلت ايه ده هي الروايات رجعت مشتركة تانى وليها بطل وبطله طب ليه قالولي انهم منعوا ظهور الأبطال في الروايات؟؟؟؟
ياترى فهمت حاجة؟؟؟؟؟؟؟؟
تقبل مروري
بوووووووووووسي