الأربعاء، 13 فبراير 2008

ارقص يا حضري غني يا ابو تريكة هيص يا زيدان








لست أظنكم ترون في حديث إليكم اليوم ضربا من المبالغة .. فلست أبالغ حين أقول ، أن التاريخ الكروي سوف يتوقف ، بل أعظم و أمجد أيام طويلا بالفحص و الدرس أمام عملية يوم العاشر من فبراير حين تمكنت الكتيبة الكروية المصرية من إقتحام خط وسط فريق الكاميرون الصعب .. واجتياح خط دفاعه المنيع .. وتسديد هدف قاتل ، بعد أن أفقدت الكاميرون توازنه في 77 دقيقة .. من أهم و أخطر بل أعظم وأمجد أيام التاريخ

إخواني و أخواتي .. لقد فقد دروجبا المتغطرس توازنه .. و إستعادت الأمة الجريحة من ماتش النجم الساحلي شرفها



لا أعرف كيف أصف فرحتي بهذا الفوز ولكني ذهلت حقا أمام ما رأيت .. فلقد إندلعت فرحتي مع الهدف الغالي لأبو تريكة الغالي في الدقيقة 77 .. وبلغت الفرحة ذروتها مع إنطلاق صافرة نهاية المباراة وتحقق الفوز .. ثم بدأت الفرحة - بعد منحنى الصعود - في التراجع مرة أخرى حتى خمدت تماما بعد استلام الفريق المصري الصلد لميدالياته الذهبية اللامعة ، واسدال الستار على احتفاليته العارمة في الملعب .. أغلقت بعدها التلفاز ومضيت هادئا الى النوم ..



و لكن كان لما شاهدناه وسمعناه عن مظاهرات حاشدة اجتاحت شوارع العاصمة والمدن المصرية احتفالا بالنصر .. كان لكل هذا مبعث العجب في نفوس البعض ، والغضب في نفوس آخرين ، وقفت أنا موقف الشاده بين كلا الفريقين ، المحلل لهذا السلوك الوطني .. ولكني أرى ضمن ما أرى في هذا الموضوع أن رد الفعل العارم هذا لم يكن مفاجأة و ليس شيئا سلبيا كما يزعمون .. فإن المواطن المصري .. الجائع .. الضمآن .. العاطل .. العاري .. المفلس .. الأعزب .. الأبكم من أي صوت في انتخابات أواستفتاء .. العليل .. المغترب .. الكليم .. اليتيم .. الأرمل .. البائس



رغم كل ما تحمله صورته وحياته من أبعاد تحمل معنى الشقاء لا الرخاء .. فقد خرج بعد نصر المنتخب المصري كأي مواطن غربي في دولة متقدمة حققت له كل جوانب الحياة ليجد وقتا للرفاهية التي تمثلها متابعة مباراة كرة قدم أو الخروج للتهليل بعد انتصار لن ينال من بين مكافأته المليونية أي شيء

و إني ارى ان هذا المواطن المصري البائس هو الاكثر حاجة الى أن تنفرج أساريره ليفرح لأي شيء مهما كان بسيطا .. يفرح لأي شيء تحققه مصر من أول كاس أفريقيا وحتى البرنامج النووي ..أي شيء مهما كان بسيطا .. يفرح لنكتة بايخة وقديمة ومستهلكة ليضحك بملأ فيه .. يفرح لزفة فرح في الشارع أو في ميدان من الميادين حتى و إن كانت لا تمت له بصلة .. يفرح لمشهد من مسرحية و ان كان يحفظه عن ظهر قلب ..



ان أكثر اللحظات فرحا في حياتنا تحدث في أكثر الظروف يأسا و بؤسا



فهي محاولة للهرب مما نعيش .. محاولة لنسيان ما نحن فيه وهذا ليس عيبا وليس سلبية كما يزعم البعض .. الناس بحاجة الى أن تأخذ فاصلا ولو قصير من مسلسل الحياة الكئيب الطويل الملل كالمسلسلات المدبلجة

هناك درسين ينبغي أن نتعلمهم من هذه البطولة وبالذات ماتشين كوت دي فوار والكاميرون


هما قيميتن لهما أهمة كبرى لسببين ، الأول : إن هما أساس أي تقدم وتطور وازدهار لأي أمة ، و الثاني : إن هما مش موجودين في الفترة الحالية فينا

القيمة الأولى : هيا الإصرار و التحدي ، اننا نكون رجالة .. معذرة للجنس اللطيف .. مهما كانت الضغوط ومهما كانت التضحيات ونسعى للهدف اللي حاطينه قدامنا وما نتراجعش وكلنا شفنا محمد زيدان وهو بيخلص الكورة الميتة اللي مافيهاش أمل من موقف تسللل تقريبا وما فيش حد جنبه يديهاله وما فيش فرصة إنه يدخلها


القيمة التانية : العمل الجماعي : شفتوا لما اللعيبة حبت بعض جابوا الكاس و احنا كلنا لو حبينا بعض و اشتغلنا سوا اكيد حنحخقق حاجة كويسة في اي مجتمع ، الفرق بينا و بين اميركا مثلا ان عندهم فرق عمل في كل المجالات في العلوم و الاقتصاد و السياسة حتى السياسة فيه حاجة اسمها الادارة الامريكية مش زينا زعيم في كل حاجة ورئيس في كل مجال وخلاص من غير تعاون و لا تبادل علمي و لا تراكم معرفي وده حاجى مطلوبة قوي لأي تقدم .
مبرووووووك لمصر
مع الاعتذار للرئيس السادات للتعديل في جزء من خطاب اكتوبر ، بس لاني باحبه فحافظ خطبه وباحب استخدم مفرداته



هناك 35 تعليقًا:

  1. تصدق البوست ده في شوية حاجات جامده قوي

    اتاريك بتقول حكم وانا مش واخد بالي

    سيبك انت .. كل الماتشات كوم .. الحركة بتاعة عمرو زكي في ماتش كوت دي فوار كوم تاني
    لما قلع الواد الشورت

    وابو تريكه ده ربنا يحميه يارب
    طول عمره مفرحنا والله
    ربنا يحميهم يوفرحونا
    ويجعل ايامنا كلها فرح



    سلامووووووووووز

    ردحذف
  2. مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مبرووووووووووووووووووووووك لمصر

    ردحذف
  3. مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مصر مبرووووووووووووووووووووووك لمصر

    ردحذف
  4. الامة مش مجروحة من ماتش الصفاقصي
    الامة مجروحة من ماتش النجم الساحلي
    لذا لزم التنويه
    على فكرة
    استغلال ال مبارك للفوز دة حركة مكشوفة جدا ومفقوسة
    كرهتونا في لحظات الانتصار....ربنا يسامحهم بقى
    عموما
    كل الكلام اللي في البوست دة عشرة على عشرة بس مين بقى يقرا ومين يسمع
    تحيااااتي

    ردحذف
  5. السلام عليكم ورحمة الله وبركاته

    والله يا أحمد كلامك مظبوووووووت جدا

    الشعب المصرى الوحيد اللى فى عز همو وحزنو دايما بيلاقى مخرج عن طريق النكت او زى ما عملو كده فى فرحتهم بفوز مصر

    اخر ماتش دا كنت انا وبابا بنتفرج عليه فى الفندق فى المدينه وبيتهيقلى انو الفندق كلو سمع صوتى من كتر الفرحه
    واللى عجبنى كمان اوى السنادى انو بجد العرب كلها فرحت لينا لانو بجد بجد المتخب المصرى لعب حلو اوى اوى وكان يستحق فعلا

    وفعلا جنود مصر خير جنود
    والسبب الفوز دا
    انو اللعيبه عملت اللى عليهم وكان عندهم اصرار على الفوز قبل دا كلو اعتمدو على ربنا ووثقو فيه

    ياريت احنا كمان بقه نخلى عندنا دم ونعمل كلنا كده مصر حتكون حاجه تانيه

    اه فى سبب نسيتو
    انهم حبو بعض ولعبو بروح الجماعة علشان هدف واحد

    تسلم ايدك يا أحمد ولله قولت كل اللى فى نفسى

    ويارب عقبال كاس العالم

    أختك توكا

    ردحذف
  6. soooo
    --------
    ربنا يكرمك يا سووو
    طبعا بس يا عم احرجه قدام الكاميرا يا سيدي .. بس الواد اللي كان بيضرب في زكي حيعمله ايه يعني هههههههههه
    ابو تريكة ما فيش حد اختلف عليه

    ردحذف
  7. A.SAMIR
    ------------
    شكرا يا احمد بيه ابن سمير باشا
    شكرا على التعليق
    وشكرا على الزيارة
    وشكرا اكثر على تصحيح المعلومة المتعلقة بفريق النجم الساحلي
    آل مبارك عملوا عملية تلميع سياسي مكشوفة ومجهضة على اي حال

    ردحذف
  8. ToOoKa
    ---------
    منوراني يا توكا
    عندك حق طبعا
    وكويس انكم شجعتوا في السعودية وانا كنت ملاحظ فرحة العرب لينا ومحاولتهم كسب ود مصر عن طريق ابداء فرحة غير عادي

    ردحذف
  9. شعب يبحث عن الفرح
    ودائما لم يجدة
    لذالك يختلقة
    فعلا فرحنين جدا لاننا مصدقنا نلاقي حاجة فعلا
    نفرح بيهامبروك لمصر وابوتريكة يستاهل كل حب واحترام
    وتقدير
    والحضري وزيدان
    ياسلام وشادي وهاني ومعوض كلهم احسن من بعض
    ربنا يوقفنا في القارات بقي
    سلام
    مني

    ردحذف
  10. شعب يبحث عن الفرح
    ودائما لم يجدة
    لذالك يختلقة
    فعلا فرحنين جدا لاننا مصدقنا نلاقي حاجة فعلا
    نفرح بيهامبروك لمصر وابوتريكة يستاهل كل حب واحترام
    وتقدير
    والحضري وزيدان
    ياسلام وشادي وهاني ومعوض كلهم احسن من بعض
    ربنا يوقفنا في القارات بقي
    سلام
    مني

    ردحذف
  11. عمرو زكي فنان البطولة
    و أبوتريكة البركة
    و متعب الغير موفق
    و حسني عبد ربه هداف مصر
    و حصام الحضري السد العالي
    و حسن شحاتة عميد الكرة المصرية
    رفعوا راس مصر بلدنا و رفعوا راسنا كلنا

    ردحذف
  12. و كلو كوووووم و زيدان ده كووووم تاني
    هههههههههههه

    ردحذف
  13. آخر جزء في البوست عشرة على عشرة .. هي دي الخلاصة الحقيقية اللي لازم نتعلمها

    ياريت نتعلمها

    ردحذف
  14. مبرووووووك علينا كلنا و عقبال المونديال

    ردحذف
  15. و الله انا مقتنعة جدا جدا بكلامك و الفففففففففففففففف مبروك لينا كلنا و يا ريت بجد الانتماء اللى حسينا بيه ماينامش تانى فى طربته بعد البطولة دى و يفضل دايما دا احساسنا ببلدنا اللى اكيد حيفرق جدا معانا و معاها

    ردحذف
  16. hiiiiiiii i love egypt
    congratulation
    u have to say that to me too
    and now
    lol
    c u
    bye

    ردحذف
  17. المدونه جامده اخر حاجه انا اول مره افتحها
    والف مبرووك لمصر كلها انا لحد دلوقتى طايره من الفرحه

    كنا لسا بنتكلم ف وفاه مجدى مهنا
    يوم حزن ويوم فرح
    هى دى الحياه

    ردحذف
  18. مبروووووووووووووووووووووووووووووووووووووووك لكل المصريين

    ردحذف
  19. ما أروعه محراب التدوين الذي جعلنا نعرف ونتعرف علي الكثير من المدونين الشرفاء الذين إمتلأت قلوبهم وعقولهم بحب هذا الوطن والعمل والسهر علي رفعته وعزته والقضاء علي الظلم الذي يستشري بين جنباته ....

    =======================

    إنضم معنا في حملة الألف مدون للإفراج عن المدون الدكتور إبراهيم الزعفراني
    علي مدونة يلانفضحهم : http://www.yallanefdahom2.blogspot.com/
    الدكتور الزعفراني الفارس النبيل

    ردحذف
  20. الف مبروك لكل المصريين
    تحياتى

    ردحذف
  21. الف مبروك يا موجه بجد انا زعلان لانى مبدخلش عندك من فتره نظرا لظروف قاسيه لكن بجد مبروك لكل مصرى ماعدا مبارك وولاده

    ردحذف
  22. مدونتك رقيقه وجميله كفايه وصفك لنفسك بجد سعيده انى دخلتها واتمنى تزرونى فى مدونتى قريب

    ردحذف
  23. الف مبروك لمصر ...وبجد موضوع البوست المرة دى كويس اوى ...وفيه معانى وقيم كتيرة اوى ياريت نقدر نعمل بيها

    بس بجد لعب المنتخب فى جميع الماتشات كان رائع بجد ..مع انى مش بفهم اوى فى الكورة يعنى ..بس الى حد ما عارفة القواعد ..والحمد لله على الفوز ده


    دايما يارب




    تحياتى

    :)

    ردحذف
  24. مبروووووووك لمصر اسلوبك رائع ومدونتك جميله

    بس من راى اننا ادينا للفرحه بالكوره اكتر من حقها نفرح اه بس منبالغش

    اصل الواحد حس باحباط اوى يعنى احنا مش فالحين الا فى الكووووره

    جزاك الله خير

    ردحذف
  25. الف مبروك لمصر و للمصريين
    و عقبال الكاس الى بعده
    تحياتى

    ردحذف
  26. مبروك لمصر مع انها جات متاخره شويه
    وفعلا لينا حق اللى احنا نفرح بالكاس ونعمل اللى احنا عاوزينه
    بس ادما احنا بنتجمع ونوكن ايد واحده ليييه ده مش يبقى
    فى احنا نهاجم الفساد اللى فى مصر علشان
    نعيش مسترحين بقه
    تحياتى ولاء

    ردحذف
  27. فعلا فرحنا فرحة مش قليلة
    و الله بقالي زمان يا لومي ما حستش ان قلبي بيتنفض
    و الأجمل اني وسك مئات ولا أعرفهم بس عارفة اللي فقلوبهم كويس قوي و حاساه و منصهرة جواه

    الناس اللي متغربة كانت بتحاول تتجمع و تلكك عشان تحس انها جوة مصر
    وكنا بجد جوة مصر
    في قلب مصر

    مبرووك لينا

    أنا عار اني غايبة مده طويلة لكنها زحمة شغل خاااانقة

    ردحذف
  28. أنا آسفة حطيت الكومننت عن البوست و أنا فاكرة إني بقراه عند لومي

    أصل المودنات عشرة
    و بالعشرة الناس تعرف بعضيها و المستور ينكشف

    و آدي أول مستور أهو انكشفن و بان

    إني مابركزش و بتوووه دايما
    :)

    ألف مبروك
    وبوست جميل

    تحياتي ليك
    :)

    ردحذف
  29. ارجو الاهتمام بذلك الموضوع الموجود بالمدونه وارجو التضامن معى وشكرا

    ردحذف
  30. ارجو الاهتمام بذلك الموضوع الموجود بالمدونه وارجو التضامن معى وشكرا

    ردحذف
  31. باشا
    ان أكثر اللحظات فرحا في حياتنا تحدث في أكثر الظروف يأسا و بؤسا

    جامده قوي الحته دي على فكرة
    يعني انت بقى اتفرجت على الماتش ودخلت نمت
    وانا ادور عليك وابص عليك كده يمكن الاقيك في الموجه اللي جنبي ما الاقيكشي
    اتاريك نايم وفي سابع نومه
    :)
    الف مبروك يا ابو احميد با ابو البحر با عسل

    ردحذف
  32. انا قولت لازم احط اسمى مع البوستات بتاعة المنتخب
    هههههههههه
    تعالى علشان تقولى رايك فى البوست الجديد

    ردحذف
  33. انا قولت مينفعش محطش اسمع ضمن الكومنتات بتاعة بوست المنتخب
    يلا بقا اهو المنتخب بقا فرحتنا الوحيده يارب يديمها علينا فرحه
    ونصعد كاس العالم بقا

    ردحذف

Related Posts Plugin for WordPress, Blogger...