الخميس، 29 نوفمبر 2007

أنا .. عشرة في المية


أنا عشرة في المية

أيوه
10 %

يعني إيه 10 % ؟
إنتا بتسألني أنا ؟ مش حتصدقني لو قلتلك ما أعرفش !
لكن كل اللي أنا متأكد منه .. إني أنا 10 % .. و الله 10 % .. هما قالولي كده .. و فضلو شهر كامل يعملوني على هذا الأساس
و متأكد كمان إني أصبحت أكره الرقم عشرة و كل مضاعفات الرقم عشرة .. و أكره ذلك الرمز الغبي الذي يشير الى النسبة المئوية و الذي ظل لشهر كامل يقصرني ضمن فئة تبلغ عشرة في المية
فإليك قصة ال 10 % .. بعد الكشف الطبي لدخول الجيش الذي كان في 3 نوفمبر 2007 م و بعد حصولنا - أنا و زملاءي - على الإعفاء النهائي من آداء الخدمة العسكرية .. كان للعميد و قائد المنطقة رأي آخر .. فإختار من وحي الكشوف نسبة معينة من المتقدمين الحاصلين على الإعفاء .. و هي نسبة 10 % .. و التي كان علينا أن ننتظر حتى سماع نتائج التأجيل .. فمن يحصل على تأجيل يحصل تلقائيا على شهادة الإعفاء و من لا يحصل على التأجيل يتم عرضه على للجنة عليا للبت في أمره في حلمية الزيتون بالقاهرة .. أما الباقي .. أو ال 90 % فقد حصلوا على شهادتهم في اليوم التالي اي يوم 7 نوفمبر 2007 م .. و نحن لم نستلم شهادتنا الا اليوم 29 نوفمبر 2007 م و طيلة هذه المدة لم أتوقف عن الذهاب الى منطقة التجنيد في الصباح الباكر لنعود في الثالثة عصرا بشبشب حنين .. و الله ما حصلت خف هههههههههه
و نحن داخلين من البوابة ، يستوقفك عسكري فتستأذنه الدخول فيقول لك بعد النظر في اوراقك .. بوابة خمسة يا أفندي ، إنتا 10 % .. و عندما تدخل تتنقل من ظابط لعسكري .. الجماعة بتوع ال 10 % يقعدوا هنا .. ال 10 % ييجوا بكرة .. إنتا ايه اللي جابك هنا ، مش انتا 10 % .. مش من هنا يا إبني ، إنتا مش واخد بالك إنك 10 % .. أقعد إنتا 10 % .. قف إنتا 10 % .. مش مكسوف من نفسك إنتا 10 % ههههههههه هو ده اللي ناقص
والنهاردة كانت آخر علاقتي بهذه النسبة اللعينة .. ال 10 % يتجمعوا هنا .. أنا حانده اسامي ال 10 % .. ال 10 % استلموا ورقهم .. شهادات ال 10 % جات .. اللي يسمع اسمه من ال 10 % ياخد شهادته و يروح
ال 10 % باي باي
لا 10 % بعد اليوم

هناك 47 تعليقًا:

  1. السلام عليكم

    الحمد لله مكنتش من ال10%

    احنا ناس بنلعب في الامتياز يا استاذ
    90% علي طوال


    المهم انك خرجت علي خير يا اخي

    ولو ان اللي دخلوا الجيش حبوه قوي

    تحياتي لك

    ردحذف
    الردود
    1. تحياتي ليك يا صديقي

      حذف
    2. ممكن حد يرد عليا انا ١٠/في المئه وطلع عين امي ممكن حد يساعدني 0109 227 9356

      حذف
  2. ههههههههههه

    طب اشطة اهوه احسن من قلة الشغل اللى احنا فيها
    :D

    ردحذف
    الردود
    1. إنـســـانـة

      قلة الشغل أحلى والله :)

      حذف

  3. حمدالله على السلامة يا فندم

    المهم تكون نفسيتك مية في المية

    مش مية بتتشرب لا 10%

    يووه مش مقصودة العشرة دي

    قصدي 100 في المية

    بقولك ايه

    مبروك :)

    تحياتي من ماناساس البلد

    ردحذف
  4. مهند
    ----------
    الله يبارك فيك يا اخ مهند صحيح .. قدمت تفسير متميز للعشرة في المية هههه

    انسانة
    ---------------
    الله يبارك فيكي اهو على رايك شغلونا شوية بدل القعدة في البيت ههههههه

    groom
    ----------------
    شفت علشان تصدقني ان موضوع العشرة في المية ده موضوع محير و شنيع هههههه

    ردحذف
  5. ياااااااااااااااااه
    فكرتني والله بايام لما خدت الاعفا
    بس الحمدلله ماكنتش عشره في الميه ولا بتاع

    بس على ايامي تقريبا كانت خمسه في الميه
    مش فاكر بقى
    شكل الزهايمر دخل ولحس نافوخي


    يلا الف مبروك الاعفا
    وعايزين الشربااااااات



    سلاموووووووووووز

    ردحذف
  6. طيب الحمد لله حمدالله على السلامه
    ربنا مايجعلاي 10 تيجي في طريقك تاني
    :D
    اللينك الي كنت طلبته عشان الاغنيه الي في مدونتي و عجباك اهو
    :)
    http://www.6rbtop.com/download.php?song_id=26612&type=au&q=hi
    تحياتي :)

    ردحذف
  7. طيب جدا أول زيارة نلاقي الخبر الجميل ده
    كدة عشرة على عشرة
    مبروك يافندم وربنا ييسر لك باقي امور حياتك

    ردحذف
  8. طيب هل كده نسبة تنك تلبس جيش كبيرة في نسبة 10%

    ردحذف
    الردود
    1. بالعكس النسبة الأكبر إنك تطلع إعفاء بإذن الله :)

      حذف
  9. انا اخدت غير لائق طبيا وبصمت في الهايكستيب ولكن القائد طبعني انا و 5 زملائى نسبة ال10% وقالولنا تعالو يوم 10 ديسمبر 2013
    ايه هو الاجراء اللي بعد كده وهل ممكن ادخل جيش بسبب ال10% مع اني اخدت غير لائق بالقلم الاحمر ومبصم وكمان ماخدتش ال110 جند!!!؟؟؟
    ياريت حد يجاوبني لو سمحتوا ؟؟؟؟؟

    ردحذف
    الردود
    1. هتطلع أعفى بس اصبر معاهم شويتين

      حذف
    2. ممكن تكلمني بعد اذنك

      حذف
  10. طب يا باشا ال 10% ده بيكون ليه 110 جند ولا لا عشان انا طلعت منهم وما اخدتهاش وخايف اتسوح

    ردحذف
  11. طب يا باشا انا من ال 10 % دول هل بيبقى لينا 110 جند ولا لا لانى ما اخدتش وخايف اتسوح

    ردحذف
  12. طيب سوال بقي عشان انا 10% اخرتها ممكن نخش يعني ولا خلاص كدا اعفاء بس مع شوية مرمطة

    ردحذف
    الردود
    1. إطمن غالبا باذن اللع هتاخد اعفاء بعد شوية مرمطة :)

      حذف
  13. طب انا بعد ما اتكتبلي غير لائق طبي نسبه ١٠٪؜ و حولني للتجنيد ف الحلميه الاستشاري كتبلي لائق و عوده للمنطقه ولما رجعت قالي يوم ١٨ تعالي اسمع السلاح و لما روحت ١٨ قالي تعالي يوم ٢١ ف حين اني مخدتش ال١١٠ لحد دلوقتي
    ايه موقفي؟

    ردحذف
    الردود
    1. انا كمان حصل معايا كدا

      حذف
    2. بعد اذنك ممكن تكلمني 01092279356

      حذف
  14. هتطلع أعفى بس اصبر معاهم شويتين

    ردحذف
    الردود
    1. طلعت ولا لبست انا نفس حوارك خدت غير لايق في منطفة التجنيد و بعدين خدت لايق في الحلمية

      حذف
    2. ها لبست ولا ايه انا نفس حوارك بالظبط خدت غير لايق في منطقة التجنيد و بعدين خدت لايق في الحلمية

      حذف
    3. خدت اعفاء ياباشا ولااي حصل معاك

      حذف
    4. انا بردو 10%وخت لاق ممكن حد يرد عليا بالله عليك كلمني ❤️♥️

      حذف
  15. السلام عليكم انا كنت غير لائق نسبه10% وروحت عرض مستشار وداني لائق وعوده الى المنطقه وقالي هتروح تسمع الاسلاح يوم 4/10 وروحت قالي تعالى يوم 4/18 ممكن لو حد يعرف يفيدني

    ردحذف
  16. لو سمحت انا نفس النظام بعد ما اخدت غير لائق نسبة ١٠% نظر مدير المنطقه حولنى اكشف ف حلمية الزيتون كداا ف امل ولا اى

    ردحذف
  17. طب انا مكتوبلي عوده للمنطقه بكره وسماع سلاحي يوم التلات وانا لائق اروح بكره ولا اروح ع سماع السلاح ع طول

    ردحذف
  18. انا نفس القصه بالظبط و محتاج اعرف موقفي و فعلا لسا راجع قالي مالكش 110 ولا هسمع أرجاء ولا كل ده وقالي تعالي شهر 4 اسمع سلاح

    ردحذف
  19. انا حصل معايا نفس الكلام وروحا استلم ال 110 النهارده قالي مالكش 110 وتعالى شهر 4 اسمع سلاح ممكن استفسار ..

    ردحذف
  20. طاب لو عشره ف الميه وورحت لجنه عليا وكتبلك بلا قلم احمر وقلك روح ابصم وبعد مابصمت قلي روح بعدعشر يام منطقت اتجنبد اتبع ليها يبقا دا اي لوسمحت

    ردحذف
  21. طيب انا نفس الموقف دا بظبط وفي الحلميه بصمت بعد الكشف وقالو في تصوير كمان بس متصورتش ؟!؟! انت تقريبا نفس موقفي لكن قوللي هل هناك اتصورت وبصمت ولا بصمت بس زيي كدا لاني فاكر كويس جدا أنهم قالولنا اللي هيبصم هيتصور كمان

    ردحذف
  22. ممكن تقولى حصل معاك ايه فالاخر علشان انا نفس الكلام و هسمع سلاك يوم٩ علي كلامهم

    ردحذف
  23. انا اتكتبلي ف الهايكستب غير لائق وبعد كده بقيت 10%وهنا خلوني لايق وعوده للمنطقة وبعد كده المركز رن عليا وقالولي ارجع الفرع الطبي لإدارة التجنيد

    ردحذف
  24. انا حاليا اتكتبلي غير لائق عشره في الميه بردو ومعايا كشف ٩/٤وكشف عظام عشان اصبعه الرجل وكدا ممكن اخد اعفاء ولا ممكن انزل والبس ظابط ولا ايه

    ردحذف
  25. اناكتبت شهاده جيش عدم لايق طبيه هله تاثرعله شغله حكومه

    ردحذف
  26. انا واخد غير لاىق في الجراحه علشان الوزن الزائد وحولوني الحلميه نسبه ١٠ ٪وأخدت لائق في الحلميه وقالولي ارجع التجنيد استلم ال١١٠ روحت التجنيد قالولي نسبه ال١٠ ٪ملهمش ١١٠ وتيجي يوم ٣١ عشره تسمع السلاح مع زمايلك عادي وفيه عسكري في المجمع قالي تيجي يوم ١/١ ومتسوح مش عارف انا كده سلاحي هيبقى ايه واروح امتى وهلبس ولا معافاه

    ردحذف
  27. انا 10في الميه مسمعتش السلاح قالي تعال يوم 20

    ردحذف
  28. طب انا ياباشا بقالى شهر رايح جاي ع تجنيد الرماية ١٠%والحلمية مديانى لائق وكل اسبوع يدوني ميعاد سماع السلاح وبروح يدوني ميعاد غيرة

    ردحذف
  29. لسا واخد نسبه ال١٠% دلوقتي ربنا يستر ادعولي

    ردحذف
  30. حد يكلمني ضروري بالله عليكم 01092279356

    ردحذف

Related Posts Plugin for WordPress, Blogger...